Ao crear a túa primeira campaña, o teu taboleiro incluirá unha nota de benvida e unha lista de entidades modificadas recentemente na campaña. Na parte de abaixo, un botón de configuración traerache a esta páxina. Só a administración da campaña ten acceso a esta interface.

Dende esta páxina podes engadir, modificar, e eliminar complementos do taboleiro. Os complementos poden ser movidos de sitio arrastrándoos á posición desexada. Esta funcionalidade non funciona en dispositivos móbiles.

As Campañas potenciadas teñen a opción de crear máis de un taboleiro. Un taboleiro pode ser creado facendo clic no botón Novo taboleiro. Isto pídeche un nome e os permisos do taboleiro. Estas opcións poden ser cambiadas unha vez o taboleiro foi creado facendo clic no menú Accións.

Os taboleiros personalizados teñen a opción de non mostrar a cabeceira da campaña, a cal é sempre visíbel no taboleiro por defecto. Colocar o complemento da cabeceira da campaña nun taboleiro personalizado fará que sempre apareza arriba de todo, independentemente de onde o coloques entre os demáis complementos.