Toda entidade en Kanka pode ter Entradas, mostradas baixo a entrada principal dunha entidade. Aí é onde recomendamos gardar os segredos relacionados a unha entidade.

Ao crear unha entrada, podes configurar os seus permisos para decidir quen pode vela. Podes facela visíbel só á administración da campaña, só a ti (se queres gardar segredos persoais), só a integrantes da campaña (se a campaña é pública), ou visíbel para todo o mundo.

Tamén podes pasar destes permisos xerais e configurar permisos individuais para integrantes da túa campaña. Por exemplo, podes permitir que unha xogadora poida ver e editar unha entrada que só é visíbel para a administración. Ou podes ocultar unha entrada a unha xogadora en concreto, pero que sexa visíbel para outras.

A persoa que estea vendo a entidade só poderá ver as entradas para as que ten permisos de visualización.